Egia esateko Arantzan (Nafarroan) igarotako hiru egun hauetan ederto pasatu dugu. Horretarako ekintza desberdinak egin ditugu eta horietan asko ikasi dugulakoan gaude. Besteak beste, taloa egin genuen, kobazuloan sartu ginen espeleologoek zer sentitzen duten ezagutzeko, herri-kiroletan aritu ginen, baita jokoetan ere, bestetik, Arantza herria ezagutzeko ginkana egin genuen, diskotekan gerria mugitu genuen eta oinak astindu genituen paseo lasai batean, tipi-tapa.
Hala ere, garrantzitsuena dena, denon artean elkarbizitza aberasgarria eta baketsua sustatu genuen eta gainera, hiru egunetan zehar euskaraz bizitzeko aukera izan genuen.
Ekintza guztietan zuen jarrera ere goraipatu nahiko genuke, oso ondo aritu zinetelako. Horrela jarraitu!!
Bukatzeko, lerro hauetatik ere, Arantzako aterpetxeko langileen lan txukuna eskertu nahiko genuke.
Esker aunitz eta hurren arte!!
Esker aunitz eta hurren arte!!
iruzkinik ez:
Argitaratu iruzkina