OPORRAK

Ikasturte honetan izugarrizko lana egin eta gero oporren txanda ailegatu da. Merezitako atsedena eta aisialdia. Beraz, ahalik eta hobekien ibili zaitezte eta noizbehinka zuen irakasleetaz eta ikastolaz gogoratu zaitezte.

Aprobetxatu opor hauek hitz egiteko, jolasteko, dantzatzeko, abesteko, pentsatzeko, kirola egiteko, hausnartzeko, laguntzeko, paseatzeko, bidaiatzeko, lan egiteko...baina bereziki, zuek zeu izateko eta irrabarre egiteko.

Eta ahal den guztia euskaraz bizi zaitezte!

Natura zaindu eta pertsonak errespetatu!!! 

ONDO IBILI ETA GUTXI GASTA!!!!! (EZ DELA BEHARREZKOA)

 

ARANTZAKO IRTEERA

Egia esateko Arantzan (Nafarroan) igarotako hiru egun hauetan ederto pasatu dugu. Horretarako ekintza desberdinak egin ditugu eta horietan asko ikasi dugulakoan gaude. Besteak beste, taloa egin genuen, kobazuloan sartu ginen espeleologoek zer sentitzen duten ezagutzeko, herri-kiroletan aritu ginen, baita jokoetan ere, bestetik, Arantza herria ezagutzeko ginkana egin genuen, diskotekan gerria mugitu genuen eta oinak astindu genituen paseo lasai batean, tipi-tapa.

Hala ere, garrantzitsuena dena, denon artean elkarbizitza aberasgarria eta baketsua sustatu genuen eta gainera, hiru egunetan zehar euskaraz bizitzeko aukera izan genuen.

Ekintza guztietan zuen jarrera ere goraipatu nahiko genuke, oso ondo aritu zinetelako. Horrela jarraitu!!

Bukatzeko, lerro hauetatik ere, Arantzako aterpetxeko langileen lan txukuna eskertu nahiko genuke.

Esker aunitz eta hurren arte!!

 

UGALKETA

Izan zirelako gara, garelako izango dira!!!

Berton dituzu, gelan lantzen gabiltzan Ugalketa gaiaren kontzeptu mapak. Zuk ere antzekoak (ziur politagoak) egiteko gai zarela. ea zer iruditzen zaizkizun:

Kontzeptu mapak

Polinizazioaren inguruko bideo labur interesgarria ere badaukazue ikusgai: 

GOZATU ETA NATURA ZAINDU!!!!

EUSKAL ESKOLA PUBLIKOAren jaia!!!

 GUSTATZEN JATA, JAKU!!!!!!

Larunbat honetan, ekainak 7an, Elgoibarren Euskal Eskola Publikoaren jaia ospatzen da. Bideoklipa sortu dute, eta ekintza dibertigarri pilaz betetako egitaraua osatu dute, euskaraz ikasteaz gain, euskaraz aisialdia ere gozatzeko.

  Bideoklipa

Aukera baduzue, aprobetxatu!!!

Ibilaldia 2015

Maiatzaren 31an Ibilaldia ospatuko da Bilbon

 
2015eko maiatzaren 31an (igandea) Bilbon ospatuko den Ibilaldiaren ibilbidea eta guneak hauek dira:

1. Harrobia ikastola eta Mariaren Bihotza
2. Miribilla
3. Areatza
4. Guggenheim
5. Erripa

Gainera, Bilborockean 1. gazte musika taldeen emanaldia egingo da ikastoletatik ateratako talde hauen eskutik: Etorkizun Beltza; Hozten, Karla eta Elisa; Ukan.



 Bitartean, abestu, dantzatu eta euskaraz gozatu!!!!

Ibilaldiko abesti bideoa

Informazio gehiago eskuratu nahi ezkero, Ibilaldiko web orrian sartu eta ikertu:

http://www.ibilaldia.eus

Ura, bizitzaren iturri !

Uraren eta bizitzaren sorrera ederto azaltzen duen bideoa.

Bideoa

URA, BIZITZAREN ITURRI!!!

 Behekaldeko estekaren bitartez, uraren inguruko bideo laburrak bistaratzeko aukera izango dugu. Ziur orain arte ikasitako hainbat informazio agertuko dela, eta baita, ezagutzen ez duguna ere.

Hurrengo izenburua duten bideoak dira merezi dutenak:

•   Uraren ezaugarri fisiko eta kimikoak
•   Uraren zikloa
•   Uraren garrantzia bizitzarako
•   Uraren erabilera eta neurrigabekeriak: kontsumoa, industria, ureztapenak, aisialdia...
•   Nola lortzen da ura?

Ondo pasa eta informazioa buruan gorde!!!!!

Uraren inguruko bideoen esteka

Herri Urrats 2015

 Atxik Ziburuko ikastola! @xik ikastola@!

 

 

 

1984an sortua, Herri Urrats elkarteak urtero, maiatzaren bigarren igandean Senpereko Aintziran, Herri Urrats besta antolatzen du.

Lehengo urtean, 5000 lagun bildu zuen elgarretaratze horrek urtez urte arrakastatsuagoa izan da.

Gaur egun, Euskal Herriko euskalzale guziak biltzen dira euskara eta Seaskako ikastolak sustengatzeko.

Besta honen helburua dirua biltzea da, Seaskak behar duen finantzamendua, lanak edo eraikin proiektuak dituzten ikastolak laguntzeko.

Aurtengo Herri Urratsek, ohiko beharrei erantzuteaz gain, Ziburuko ikastolaren beharrei erantzun beharko dio, behin betiko aterabide baten aurkitzeko.

Herri Urratsen 32. Edizioa datorren maiatzaren 10ean ospatzen da.

Elkartasunerako deia zabaldu nahi dugu, beren altxorrik ederrena, euskara bizirik nahi duten herritarrek bil daitezen eta jin daitezen maiatzaren 10ean Senperera aldarrikatzeko :

 Atxik Ziburuko ikastola! @xik ikastola@!

Bideo estekak:

 

Herri Urrats 2015 Willis drummond & Niko Etxart - @xik ikastol@  

Atxik Kaskarotenea!! 

Herri Urrats 2014 BUUZBU "Kalakakilika" 

Ondo pasa, dantzatu eta joateko aukera baduzu, ez galdu!!!!!!

URAREN EZAUGARRI FISIKO ETA KIMIKOAK

Berton daukazuen bideoaren bitartez, Uraren inguruko informazioa birpasatzen eta osatzen joan gaitezke.



Uraren ezaugarri fisiko eta kimikoak


Ondo pasa, eta ur asko ez gasta!!!!

Esperimentu gehiago

Badirudi bizitzaren iturria den ura magikoa ere badela... ikusi, ikusi...

Hurrengo esteketan esperimentu gehiago dituzue ikusgai.

Isuritzen ez den ura

Ura eta klipa

Jausiko ote da?

Ura, bizitzaren iturri!

Hurrengo esteketan sakatuz gero, uraren inguruko bideoak ikusteko aukera izango duzue: lehenengoan esperimentu txiki bat eta bigarrenean urak nola biratzen duen Munduaren erdialdean, hegoaldean eta iparraldean.

Magia ote da?

Ezkerralderantz, eskumarantz edo zuzenean, nora biratzen du urak?

JUUL KANPAINA 2015

 Aurreko asteko ostegunean, apirilak 23an, Nazioarteko Liburuaren eguna ospatu genuen.
JUUL hauteskunde literarioen 17. edizioa izan da aurtengoa aurten eta 15.800 boto-emaile baino gehiago izan dira Euskal Herriko ikastoletan.


 Bozken zenbaketa egin ondoren, hauek izan dira emaitzak:

A kategorian:

1.a	Eneko Etxegarai	Puagg!!                                      Denonartean
2.a	Adela Turin	Arrosa eta Leuna                       Pamiela
3.a	Susanna Isern	Hartza eta tximeletaren sarea    Txalaparta

B kategorian:
 

1.a   Mario Ramos	Kili txikia	Ttarttalo
2.a   Pello Añorga	Augustoren botila	Giltza-Edebe
3.a   Peru Magdalena	Txomintxo eta Perutxo bakarrik geratu dira etxean	Elkar

C kategorian

1.aToti Martinez de Lezea	Nur eta dortoken uhartea	Erein
2.a Jim Benton	Kalabaza munstroa	Desclee de Brower
3.a Txiliku	Oihaneko epailea	Elkar

D kategorian

1.a Jeff Kinney	Gizajo baten egunkaria - Rodricken Legea	Alberdania
2.a Karlos Linazasoro	Tripoli doktorea	Elkar
3.a Unai Elorriaga	Zizili	Elkar

E kategorian

1.a John Andueza	San Ferminetan, Lesakan	Elkar
2.a Jon Arretxe	Beti Iparralderantz	Erein
3.a Jasone Osoro	Ezekiel	Elkar

Eta ilustratzaile/marrazkilari kategorian:

1		Juan Luis	Landa
2		Jokin	Mitxelena
3		Eider	Eibar
4		Mikel	Valderde
5		Iban	Barrenetxea

Zorionak hautatuenak izan diren idazleei eta ilustratzaileei!


 Eskerrik asko partaide izan zareten guztiei!

JUUL kanpaina 2015

 Aste honetan, Euskal Herri osoko ikastoletan, irakur-liburuen hauteskundeak ospatuko ditugu, urtero bezala.

Horretarako, ikasle bakoitzak, irakurritako liburuen artean, egile eta marrazkilaririk gogokoena aukeratu beharko du.

Pasabidean dauden liburu ezberdinen azalak, argumentuak, marrazkiak, lagunekin berba egiteak... gure bozka prestatzen lagundu ahal digu.

Has gaitezen bada buruari eragiten eta JUUL hauteskundeetarako bozka prestaten.

Animoooooo!!!!!



JUUL kanta

19. KORRIKA

19. Korrikak aurrera darrai, jada Nafarroan sartu delarik. Euri, hotz, eta eragozpenak eragozpen, Euskararen aldeko lasterketa ez da geratuko, domeka ailegatu arte. Bilbon ospatuko dugun jai erraldoian edukiko du bukaera eta bertan jakingo dugu aurtengo Korrikaren mezua zein izango den.

Animatu ta Bilbora hurbildu!!!

IKA, IKA, IKA....

Gaur eguerdian 19.KORRIKA Sopelan jarraitu dugu eta Euskal Herrian zehar aurrera egingo du. Edozein momentutan jarraitu nahi ezkero, berton daukazue zuzenean jarraitzeko eta irudiak bistaratzeko aukera!!!!


...IKA, IKA, IKA......non dago orain KORRIKA?

 
KORRIKA zuzenean jarraitu

MUNDUKO ERLIGIOAK

 Behekaldeko estekan sakatuz gero, munduko erligio jarraituenen Power Point-a irekiko zaizue. Bertan, honen inguruko laburpen polit bat dago ikusgai.

Sinistu edo ez, errespetuz, mesedez!!!!


Munduko erligioak

19.KORRIKA EUSKAHALDUN!!!

 UREPELETIK BILBORA (Martxoaren 19tik 29ra) 

Badator KORRIKA!!! Euskararen alde Euskal Herria korrika, etenik gabe, zeharkatzeko 11 egun!!
Urepelen hasiko da Martxoak 19an, eta Bilbon, Martxoaren 29an bukatu egingo da, jai erraldoi baten bitartez.

Animatu ingurukoak eta euskara ahoan, ibili korrikan!!!

Behekaldean, 19.Korrikaren orrialdera daroan esteka daukazue. Bertan informazioa, bideoa, aurreko urteko argazkiak... dituzue ikusgai.

KORRIKA Web Gunea 

Animo eta jarri martxan!!! Abesten eta dantzan!!!

19.KORRIKA abestia (karaokea)

19.KORRIKA dantza

Jesus Maria Olaizola Lazkano "Txiliku"-ren bisita

Aurreko barikuan, otsailak 27, Jesus Maria  Olaizola Lazkano "Txiliku"-ren bisita izan genuen hirugarren eta laugarren mailako ikasle eta irakasleok.

Berak idatzitako bi liburu "Hiru lagun" eta "Kikik koko nahi du" eta irakurgaietan agertzen diren hamaika testu irakurri ondoren, azkenean, izan genuen egilea gertutik ezagutzeko aukera.

Bere testuez jardun zuen eta bera lanbideaz aritu zen. Ondoren, gure ikasleek galderez josi zuten idazlea. Galdera oso interesgarriak luzatu zituzten eta gure jakin-mina astetzeko aukera izan genuen.

Eskerrik asko, Txiliku

Bere biografia ezagutzeko, hurrengo estekan sakatu ezazu:
Txilikuren biografia

Ebaluazio Diagnostikoa (simulazioa)

Ebaluazio diagnostikoa

ARATUSTEAK 2015

Barikuan, 2015eko ihauteri jai erraldoia ospatu genuen Sopelako Urko polikiroldegian. Ikastolak hautatutako gaia Zirkua izan zen eta gure zikloari aztiz mozorrotzea egokitu zitzaion.

Ikuskizuna primeran joan zen, ederto atera zitzaigun. Aurretik egindako lan guztien fruitua izan zen.

Hona hemen egun horretako argazki batzuk:

Eroskira egindako irteera

Urtarrilaren 30ean, laugarren mailako ikasle eta irakasleok Arteara abiatu ginen elikadura orekatuari eta osauntsuari buruzko ikastaro bat egitera. Bertan, elikaduraren piramidea landu genuen, denetarik jatearen beharra, baina noski, modu orekatu batean, esate baterako, frutak eta barazkiak eguneroko jakiak dira eta azukredunak, ordea, lantzean behin jan beharrekoak eta baita ere zein garrantzitsua den produktuen etiketetan gure arreta jartzea.

Eroskiren eskutik erosketa arduratsua eta aldi berean, osasuntsua nola egin behar den ikasteko aukera izan genuen.

Horretaz gain, eguna aprobetxatzeko Artean zehar ikerketa lanak burutu zituzten ikasleek.

Eskerrik asko, Eroski !

Munduko aztirik magikoenak? Ander Deunako zirkoko azti bikainak!!!

Hemen daukazue 2015eko ihauterietan dantzatukon dugun abesti magikoa...3...2...1...

Mugi gorputza eta izan ontsa!!!

Berton daukaguz Txanela unitateko hurrengo kontzeptu mapak. Koadernoan ziur politagoak egiteko gai zaretela. Animo!!!!


 Tendoiak

Dieta orekatua

WHAT'S THE TIME?

CAN YOU WRITE THE TIME ON THE CLOCK?

Have fun telling the time!


WHAT TIME IS IT?

SAHARAREN ALDEKO ELKARTASUN KARABANA

Elkartasuna delako herrien arteko samurtasuna, Euskal Herritik Saharar Herriari ahalik eta elikagai gehien eramango dizkiogu. Horretarako, Ikastolara arroza, pasta, dilistak, azukrea, atuna eta sardinak oliotan eta konpresak ekarriko ditugu ondoren Saharar bidaltzeko.

Laguntza guztia inoiz ez da nahikoa!

Eskerrik asko